“omrum.az” xəbər verir ki, hadisə ötən gün axşam saatlarında rayonun Dico kəndində qeydə alınıb.

Belə ki, Tikaband kənd sakini Akif Ağacanov idarə etdiyi “Niva” markalı nəqliyyat vasitəsini yol kənarında saxlayıb. O, maşından düşdükdən sonra minik avtomobili qəfildən hərəkət edərək dərəyə aşıb.

Qəza nəticəsində maşında sərnişin qismində olan sürücünün bacısı 1973-cü il təvəllüdlü Yeganə Ağacanova hadisə yerində ölüb.

Meyit daxili və xarici müayinə olunması üçün Məhkəmə Tibbi Ekspertiza və Patoloji Anatomiya Birliyinin Lənkəran rayonlararası zona mərkəzinə təhvil verilib.

Faktla bağlı araşdırma aparılır.

Surxay Şahbazov