Serbiya Prezidenti Aleksandar Vuçiçin ABŞ-yə səfəri zamanı səhhəti pisləşib.

“omrum.az” xəbər verir ki, bu barədə məlumatı Serbiyanın “RTS” dövlət televiziyası yayıb. 

Məlumata görə, həkimlərlə məsləhətləşmələrdən sonra Serbiya lideri səfərini yarıda qoyaraq ölkəsinə qayıtmağa qərar verib. 

Bununla belə, 55 yaşlı prezidentin səhhətində problemin məhz nə olduğu açıqlanmayıb.

Qeyd olunub ki, Vuçiç mayın 1-i Floridada Nyu-Yorkun keçmiş meri Rudolf Giuliani ilə görüşüb. Bununla yanaşı, onun daha bir neçə yüksəkvəzifəli şəxslərlə görüşü planlaşdırılırdı.