Xəbər verdiyimiz kimi, UEFA Çempionlar Liqasında III təsnifat mərhələsinin cavab oyunlarına start verilib.

“omrum.az” xəbər verir ki, Türkiyə təmsilçisi “Fənərbaxça” doğma meydanda Niderlandın “Feyenoord” klubunu qəbul edib. 

İlk matçda rəqibinə 1:2 hesabı ilə uduzan meydan sahibləri məğlubiyyətin əvəzini çıxa bilib. 

Rotterdam təmsilçisinə 5:2 hesabı ilə qalib gələn “Fənərbaxça” adını pley-off mərhələsinə yazdırıb. 

İstanbul nəhəngi növbəti raundda “Benfika” ilə qarşılaşacaq.

Xatırladaq ki, təmsilçimiz “Qarabağ” da rəqibini darmadağın edərək pley-offa yüksəlib.