Hindistanda Pakistan lehinə casusluq etməkdə şübhəli bilinən 11 nəfər həbs edilib. 

“omrum.az” xəbər verir ki, bu barədə məlumatı “India Today” telekanalı yayıb. 

Məlumata görə, son üç gün ərzində həbs edilən həmin şəxslər 20-30 yaş aralığındadırlar. 

“Pakistanın xeyrinə casusluq etməkdə şübhəli bilinən şəxslər sosial şəbəkələr və mesencerlər vasitəsilə casus şəbəkəsinə cəlb ediliblər”, - deyə məlumatda qeyd olunub. 

Xatırladaq ki, Hindistan mayın 7-nə keçən gecə Pakistanda “terror infrastrukturu”na qarşı “Sindur” əməliyyatına başladığını elan edərək ölkə ərazisinə zərbələr endirmişdi. Pakistan isə buna Hindistan ərazisindəki hədəflərə zərbələr endirməklə cavab vermişdi. Tərəflər bir neçə gün davam edən gərginlikdən sonra mayın 10-da atəşkəs barədə razılığa gəliblər.