ABŞ dövlət katibi Marko Rubio Türkiyənin xarici işlər naziri Hakan Fidana Ankaranın Rusiya və Ukrayna arasında mümkün birbaşa danışıqların təşkilində göstərdiyi köməyə görə təşəkkür edib.

“omrum.az” xəbər verir ki, bu barədə ABŞ Dövlət Departamentinin mətbuat xidməti məlumat yayıb.

Qeyd olunur ki, Rubio və Fidan arasındakı telefon danışığı zamanı ABŞ dövlət katibi Türkiyəyə Rusiya və Ukrayna arasında birbaşa danışıqları qəbul etdiyinə və dəstəklədiyinə görə təşəkkür edib, həmçinin dərhal atəşkəsin mümkünlüyünü alqışlayıb.