Türkiyə sahillərində Rusiyaya məxsus Qambiya bayrağı altında üzən “Kairos” adlı neft tankeri yanıb.

“omrum.az” xəbər verir ki, bu barədə “RIA Novosti” Türkiyənin Dənizçilik İdarəsinə istinadən məlumat yayıb.

İdarədən bildirilib ki, hadisə Qara dənizdə tankerin “xarici təsir” nəticəsində alovlanması ilə baş verib. Qeyd olunur ki, “Kairos” boş vəziyyətdə Novorossiysk limanına doğru hərəkət edirmiş.

Məlumata görə, gəmidə olan 25 şəxsdən ibarət heyətin vəziyyəti normaldır. Ekipaj üzvlərinin təxliyəsi üçün hazırlıqlar görülür, hadisə yerinə xilasedicilər cəlb edilib.

***

Türkiyənin Nəqliyyat və İnfrastruktur Nazirliyinə məxsus xilasetmə gəmiləri dərhal hadisə yerinə cəlb edilib.

Nazirliyin açıqlamasına görə, “KEGM-9” və “KEGM-10” sürətli xilasetmə qayıqları, “Xilasetmə-12” yedək gəmisi və “Nənə Hatun” təcili yardım gəmisi 274 metrlik “KAİROS” tankerində olan 25 nəfərin xilas edilməsi üçün operativ qaydada müdaxilə edib. Bütün ekipaj üzvləri təhlükəsiz şəkildə təxliyə olunub.