Bu gün UEFA Avropa Konfrans Liqasının 2025/2026 mövsümünün II təsnifat mərhələsinin cavab görüşləri keçiriləcək.

“omrum.az” xəbər verir ki, təmsilçilərimiz “Sabah”, “Zirə” və “Araz-Naxçıvan” növbəti mərhələyə yüksəlmək üçün mübarizə aparacaq.

“Sabah” “Bank Respublika Arena”da Moldova təmsilçisi “Petrokub”u qəbul edəcək. İlk oyunda 2:0 hesabı ilə qələbə qazanan “bayquşlar” növbəti mərhələyə çıxmağa çalışacaq. 

Digər təmsilçimiz “Zirə” Xorvatiyada “Hayduk” ilə qarşılaşacaq.  Bakıda keçirilən ilk görüşdə 1:1 hesablı nəticə ilə meydanı tərk edən Rəşad Sadıqovun komandası Xorvatiyada mərhələ keçmək üçün meydana çıxacaq. 

Tarixində ilk dəfə avrokubok həyəcanı yaşayan “Araz-Naxçıvan” “Dalğa Arena”da keçirilən ilk görüşdə sürpriz bir nəticə ilə Kipr təmsilçisi “Aris”ə 2:1 hesabı ilə qalib gəlib. Səfərə üstün yollanan təmsilçimiz qələbə ilə ayrılmaq niyyətindədir. 

UEFA Avropa Konfrans Liqası
II təsnifat mərhələsi, cavab görüşləri
31 iyul

20:00. “Sabah” (Azərbaycan) – “Petrokub” (Moldova)

İlk görüş- 2:0

Baş hakim: Danilo Nikoliç (Serbiya)

Masazır, “Bank Respublika Arena”.

22:15. “Aris” (Kipr) – “Araz-Naxçıvan” (Azərbaycan)

İlk görüş- 1:2

Baş hakim: Devid Dikinson (Şotlandiya)

Saloniki, “Kleantis Vikelidis” stadionu

23:00. “Hayduk” (Xorvatiya) – “Zirə” (Azərbaycan”

İlk oyun - 1:1

Baş hakim: Luka Payretto (İtaliya)

Split, “Polyud” stadionu.